ازاى تبقى رخم فى رمضان

من طرف **funky** الجمعة سبتمبر 18, 2009 5:29 pm

لازم احنا كمان ناخد استعدادنا ونشوف ازاى هنتعامل مع الناس ف الشهر دا وازاى هنقدر نوصل رسالتنا الرخمة ليهم
وازاى هنقدر نرخم على اكبر عدد من الناس ف اقصر وقت ممكن
بص يا سيدى
انت لازم اولا تكون بارد اوى
لان الناس كلها صايمة ومحدش طايق حد وكل واحد محسسنى ان هو الوحيد اللى صايم
وبتاع متشغلش بالك انت
انت تنام طول النهار وتنزل ف الساعة اللى قبل الفطار
بتكون الناس عالاخر
ودا المطلوب لينا عشان ننتشر
هتمشى بقا تشوح بايدك ومحدش هامك وخبط ف الناس عادى وقولهم اسف وبتاع امشى وادخل فى واحد جاى فىوشك وقولة مشوفتكش اصلى صايم كل سنة وانت طيب
لما المغرب يدن
صلى ف الجامع ويا ريت يكون جامع كبير يعنى فية ناس كتير
وكل واحد بيخلص صلاة ويجرى عالبيت بقاعشان هيموت وياكل
انت اطلع اول واحد من الجامع
واقفل الباب عليهم واحبسهم جوا
واجرى
واكيد انت فاهم انك متدخلش الجامع دا تانى
عشان انت اكيد عارف ممكن يجرالك اية
شوفلك جامع تانى زاول نشاطك فية تانى يوم
غير يعنى واعمل الحوار دا ف اكبر عدد من الجوامع
بس خلى اقرب جامع للبيت ومتعملش دا فية عشان تعرف تصلى هههههههههه

مهمتك بقا التليفون ساعة الفطار
قبل المغرب بدقيقة
تمسك التلى وتتصل بصاحبك
الو الو ازيك واحشنى وبتاع
مع انة لسة كان معاك من ساعة مثلا
وتفضل تحكيلة ف اى حوار
والمغرب يدن وانت عادى ومندمج
بس ميكونش صاحبك اوى
قولى لية
عشان لو صحبك اوى هيقفل ف وشك ويدخل ياكل بكل بساطة
خلية حد يتحرج يعمل الحركة دى معاك
ويبقا مخنوق منك اوى وميعرفش يبينلك
وطبعا انت تاخد عصيرك قبل متقوم واى حاجة تاكلها
منتا مش هترخم على نفسك
خليك ناصح يا ولا
كل يوم استلم واحد من اصحابك
واحكيلة على بوجى وطمطم
قولة متعرفششششش
هيقولك اية
قولة مش طمطم زعلت مع بوجى و اتخانقوا
ويا عينى فضلوا خمس دقايق ميكلموش بعض
لحد مبكار ابو كف رقيق وصغير بدا
ولقينا منير بيقول من قلبة وروحة مصرى
وادخل بقا على بكار
ورشيدة والناس دى لحد متخلية يقولك انا هقفل بقا عشان جعان
قولة انا كمان جعان ومحروج اقولك من ساعتها
ندخل بقا على بتاع التمر الهندى والسوبيا والحاجات دى
قولة عندك لبن
هيقولك لا
قولة امال اية الابيض دا
هيقولك دا سوبيا يا خفيف
قولة
ماشى يا تقيل هاهاها
هيبصلك بارف ويدير وشة
اندهلة تانى اوعى تسيبة
قولة عندك تمر تايوانى
هيقولك انت بتهزر
قولة لا انا محمد
هيقولك مش طالبك عالمسا انا صايميييييييييين
قولة تصدق واحنا كمان صايمين
هو داعيد ولا اية
وامشى بقا من قدامة
وتعالالة تانى بعد شوية يكون بقا هادى ورايق
قولة عايز تمر هندى
هيديك
قولة دا هندى بجد ولا انتوا اللى بتتريقوا علية
هيقولك يا عم انا مالى انت طلعتلى منين
هو اسمة كدا
قولة واسم باباه اية يا اونكل
وانصحك تجرى

لصواريخ بقا والكلام الفاضى دا
بص يا سيدى
متبص يا عم
انتوا تبقوا كتير خمسة ستة كدا يعنى
وكل واحد صاروخ وكل واحد يرمى صاروخ فى محل شكل ويجرى
وجرى اية بقا عايز اسود بتجرى
عشان لو حد مسك حد منكو
انا مش مسؤل
وفى بردة فقرة بحب اعملها
بالليل بقا
ترن اجراس العمارة كلها من تحت وتجرى
وبيت بيت وانتوا بتجروا بالمرة ترن وتجروا واللى يعدى على بيت يرن الجرس بتاعة
اوعى تلاقى واحد رخم مش حاطط جرس تحت
خليك ارخم منة وخبط عالباب جامد اوى ولو مستعجل وبتجرى احدف طوبة كبيرة ف الباب
الحلقة لسة مش خلصت
هكمل بقا وقت تانى

funky

ــــــــــ