قصه متوقعه.. تحدث في أي وقت وأي مكان (ســــالم و عـــــنود)

بسم الله الر حمن الحيم

--------------------------------------------------------------------------------

[قصه متوقعه.. تحدث في أي وقت وأي مكان ومن غير سابق إنذار

إنسان عادي مثل باقي الناس اسمه سالم.

صاحبنا سالم في يوم من الأيام اختربت سيارته, وماكان جدامه إلا إنه يستخدم سيارة التاكسي, اللي راعيها مسافر, و اللي هو كفيله.

يعني عشان يقضي مشاويره .

في الطرف الثاني كانت هناك بنت آية في الجمال, وقمة في الحسن

عنودكانت معزومه على عرس صديقتها!! فراحت هي وأختها مريم. وبنت خالتهم ساره.

ركبوا السيارة مع السائق وهم في نص الطريج اختربت سيارتهم, وقفوا في الشارع, والسائق يحاول يتفلسف ويصلح السيارة ولكن مافي فايدة لازم تروح عند الميكانيكي .

وفي نفس الوقت صاحبنا سالم كان نازل البنك, يسحب من ماكينة السحب الآلي, وهو راكب التاكسي, إلا بثلاث بنات يفتحون باب التاكسي ويركبون .

مريم : رفيق سير قاعة الأعراس الفلانيه .

سالم مستغرب وحاير ويكلم نفسه شو أسوي ؟؟شو هالورطه؟؟
والله فشله, صرنا رفيق بعد, يالله مشي .

سالم: زين ماما .
مريم : وهي محرجه أنا مب أمك .

عنود: اسكتي هايل الهنود جي رمستهم .

المهم سالم وداهم المكان المطلوب وهو طول الوقت عايش بجو غريب يتخيل نفسه لو كان سائق تاكسي ويقول الله يعينكم يالهنود.

سالم..وصلهم المكان المطلوب وقبل نزولهم من التاكسي عطوه عشرة دراهم.

صاحبنا خذ العشرة وهو مسكين مب عارف شو يسوي لازم ياخذ الفلوس حاله مثل باقي التكاسي ، وهم نازلين .

ساره: رفيق جيب الباقي.

سالم: وهو في حالة ارتباك.. كم يبغي ماما .
ساره:هات خمس شو أول مره توصل ناس!؟

عنود: ساره انزين شوي شوي على الريال.



نزلوا البنات اشوي بعيد عن القاعة عشان محد أيشوفهم نازلين من تاكسي .

وراح صاحبنا وهو يضحك من الموقف ويقول منو يصدق هالسالفه

في القاعة بعد ماقعدو على أحد الطاولات .

عنود: ساره وين موبايلي؟

ساره: مب عندي.

عنود: مريم موبايلي عندج؟

مريم : لا .. يمكن نسيتيه في البيت.
عنود: لا كان عندي في التاكسي.

ساره: عيل طاح عنج في التاكسي.

عنود: مريم , ساره, حد فيكم يتصل على موبايلي يمكن يرد عليكم راعي التاكسي .

اتصلت مريم كم مره محد رد وجربت منى بعد محد رد .

سالم في التاكسي وما يدري إنه شي موبايل على الكرسي و كان على الهزاز .

سالم راح المصبغة اييب ملابسه ولما وصل المصبغه.. الهندي كان يحط الملابس في الكرسي اللي ورا ، جان يقول أرباب في موبايل مني

صاحبنا شل الموبايل ، قال: أكيد هذا مال حد من البنات اللي ركبوا وياي أنا ناقص طول لسانهن ؟! شاف الموبايل مفول من المس كول ، قال لازم بيتصلون يدورونه ، حط الموبايل على حضنه وهو يسوق ، وبعد شوي اهتز الموبايل ...

سالم: ألوووو

مريم : ألوو رفيق وين انته جيب موبايل مال أنا
سالم: ماما أنا معلوم أنتي.. أنتي حرمه مال شاديه

مريم : مالت عليك.. هيه مال شاديه. تعال عقب ساعة, وجيب موبايل, وودنا البيت بعد.

سالم: زين ماما واحد ساعة بعد.

مريم: أنا مب أمك.. يالله لا تنسى

سالم : يكلم نفسه شو هاالورطه اللي أنا فيها.. أنا أهلي مايبهم من الأعراس,, وصدعة الأعراس,, انحكم علي ايب بنات الناس وتهزأ .

بعد ساعة سار سالم نفس المكان,, ويو البنات الثلاث جان يدقلهم هرن وهو منزل راسه عشان محد ينتبه حق ملامحه ، جان يركبون

التاكسي .

ساره: فضحتنا ادقق هرنات.. كل العالم شافونا ونحن نركب الروزرايز مالك ؟!

مريم : شفتوا العروس؟؟ وايد أحلى من المعرس.. هو شكله أقصر منها .

عنود: يالله الله يوفقهم مادام يحبون بعض بيعيشون مرتاحين.

ساره: شو هالأكل.. لاعت جبدي.. مادري من وين مسوينه

بنمر مطعم ناكل شي أنا يوعانه.

مريم: هيه والله حتى أنا .

عنود: بس بناخذ سندويجات بسرعة عشان مانتأخر ورانا محاضره.. أمي بتهزئنا على التأخير.

مريم : عيل بنسير هوت برغر, على طريجنا.
ساره: رفيق سير هوت برغر.

سالم: زين ماما
مريم : ساره. هذا ولد منو؟؟ ولدي ولا ولدج؟؟

ساره: ولد أي حد يركب وياه .

سالم وهو يكلم نفسه: اطنزوا ترا هندي استويت. لزم اتحمل
وصلوا الجماعة الهوت برغر وكل وحده طلبت اللي تباه

عنود: رفيق.. يبغي ياكل شي؟؟

سالم: لا ماما أنا الحين سوي أكل.

مريم: هذا مال همبورغر.. هذا مال كيما وبراتا

المهم الجماعة خذو طلباتهم وراحو البيت

وهم في الطريج البيت رن موبايل سالم، سالم شاف التليفون مكتوب البيت قال في نفسه هاي الوالدة "اتصلتي في وقتج يا أمي"

سالم: ألووووووووو

أم سالم: وينك؟

والبنات طبعآ في التاكسي ويسمعون الحوار اللي بيدور

سالم: والله شو أقولج يامي!!

أم سالم : خير أبويه شو بلاك؟

وقال السالفة حق أمه بالتفصيل وباللهجة المحلية

البنات من سمعوا الرمسه اتغشوا وسكتوا وتموا مثل

الأصنام ولا همس !!! ،المهم نزلهم سالم وهم نازلين

سالم: هاي الخمس دراهم مالكم أنا مب راعي تاكسي خذوها

نزلوا البنات وهم في حالة اندهاش !!!!؟؟
دخلوا البيت وراحوا الغرفه وكل وحده اتشوف الثانية ومب عارفة شو تقول ..

عنود: معقولة اللي صار

ساره: اسكتو عني أنا روحي متفشله لين الحين

مريم : أنا شو أقول.. أنا أكثر وحده هزأته ..

عنود: بصوت عالي الحقو ... نسيت موبايلي مرة ثانيه في التاكسي

مريم: شوووووووووووو ؟؟

ساره: مب وقت النكت الحين
عنود: صدق والله. يوم طلعت الفلوس حق المطعم, طلعت الموبايل من الشنطه, جان أنساه على الكرسي ،شو الحل ؟

مريم : أنا لو تموتون مابتصل... مالي ويه

ساره: عنود لا تطالعيني.. أنا صح ويهي لوح.. بس هذا مواطن لا تقوليلي اتصلي

تمت عنود حايره.. شو أسوى؟؟!!! اتصل شو أقول ؟؟



سالم روح البيت ولما وصل , كانو طالبين منه أغراض اييبها من السوبر ماركت

وهو ينزل الأغراض ، شاف الموبايل طايح تحت السيت مال التاكسي.

قال : معقولة!!؟ شو هالحاله ؟؟

المهم صاحبنا شل الموبايل وياه وراح حجرته وحط الموبايل عند موبايله وتم طايح على السرير لين ماغفل .

عنودفي البيت.. وتفكر في حل.. وبعد تفكير يلست تقنع نفسها شو يعني أنا بتصل وبقوله أبغي موبايلي مافيها شي ، بس الحين الساعة ثلاث في الليل عادي هذا أكيد واعي وبعدين أنا بتصل على تليفوني .

المهم اتصلت عنود

سالم وهو راقد: ألوووووو

عنود: الووووووووووو

سالم راقد ولا يدري شو مستوي وناسي الموضوع ويتحسب المكالمة على موبايله

سالم: منو أنتي؟

عنود: أنا صاحبة الموبايل

سالم: أنتي فاضيه متصلة على موبايلي وتتمصخرين وبند الموبايل في ويها

عنود:أتكلم نفسها هذا راقد صدق ولا يتمصخر.



صاحبنا قام من الرقاد الساعة ثمان ،وهو يسبح قال أنا جني كلمت حد في اليل ؟ ليكون البنت !! المهم طلع من الحمام وشيك على الرقم والوقت .

--------------------------------------------------------------------------------

سالم وهو يكلم نفسه: أنا شو خبصت؟؟

المهم تم صاحبنا حاير شو يسوي قام واتصل على الرقم اللي اتصلت منه البنت لكن طلعله المسج المشؤوم .

(ليس لديك الرصيد الكافي) .

سالم: تليفون البنت مافية رصيد كيف اتصل من تليفوني مب حلوه

راح واشترى بطاقة من الدكان ، ودخل الرصيد.. وبالغلط اتصل على تليفونه من موبايل البنت ، جان إيرن بنده.. وقال أنا غبي وين

متصل ؟؟

المهم بعد فتره رن تليفون عنوداللي عند سالم.

شوق: الوووووووو عنود
سالم: الووووووووووو

شوق: منو انته؟؟

سالم: ماما أنا نفر مال تاكسي.. هذا حرمه يخلي تليفون داخل السيارة.

شوق: انزين رفيق, انته مايبند التليفون الحين, أنا يخلي نفر مال تليفون يسوي تليفون .

سالم: زين ماما والمسكين من كثر مامثل دور الهندي قام يرمس ويهز راسه .

شوق: الووووو مريوم وين اختج حصوة
مريم: ويه راسج الناس ايسلمون قبل… لحظه
عنود: الوووووو ها شواقي بلاج؟

شوق: حصلت تليفونج.
عنودوهيه مستغربه: تلفوني ؟وين؟ وكيف وصل عندج؟

شوق: مب عندي ، اتصلت فيج ورد علي الهندي راعي التاكسي .

عنود: خلاص الحين بشوفه يالله باي.

عنود: الوووووووووو

سالم: نعم

عنود: اخويه: أنا صاحبة التليفون.

سالم: هلا أختي.. اسف يوم اتصلتي أنا كنت راقد ..

عنود: حصل خير كيف اقدر اخذ التليفون؟

سالم: مب مشكله انا بيبه البيت

عنود: لاااااااااا بتسببلي إحراج ونته عارف ليش

سالم: على راحتج وين تبيني ايبه

عنود: اتعرف المركز ألا فلاني

سالم: هيه
عنود: إذا مافي تعب عليك.. وده الأستار بوكس.. وعطه اللي على الكونتر.. وقوله وحده بتي تأخذه.. وأنا الحين بتصل فيهم.

سالم: إنشاء الله

عنود: شكرآ اخويه وأنا أسفه على الإزعاج.

سالم: افااا عليج أنا اللي لازم اتأسف.

عنود: على العموم يالله مع السلامة.

سالم: في أمان الله.



وصاحبنا سالم راح وودى التليفون المكان المتفق عليه وراح أيقضي مشاويره وعنودراحت وخذت موبايلها .

عنود دش البيت وخلى موبايله في السياره ، وخذ دوش وطلع .

ركب السيارة, وحصل خمسة مس كول, شاف منو متصل.. مرتين

ابراهيم، ومره عبدالعزيز، ومره علي ، بس الرقم الخامس غريب.. نسى انه اتصل على تليفونه من تليفون عنودبالغلط ..

سالم: شو هالرقم الغريب!! منو متصللي.. رقمي يديدمن يومين مطلعنه.

ومحد يعرفه إلا كم واحد وأنا مخزن ارقامهم ،خلني أشوف منو هذا

سالم: الو

عنود: الو

سالم: عفوآ أختي منو متصلي على الموبايل

عنود: محد اتصلك اتأكد من الرقم

سالم: مب الرقم .........

عنود: صح.. بس أنا ماتصلت على هالرقم, واصلآ أنا كنت ناسيه تلفوني في التاكسي .

سالم: اسف أختي أنا راعي التاكسي بس مادري يمكن بالغلط اسمحيلي

عنود: حصل خير



وكل منهم سكر التليفون وسرح اشوي.. معقولة اللي قاعد أيصير؟ معقولة هالصدف .؟؟


عنود: وهي يالسه تذكر كل اللي صار وشاله الموبايل في ايدها ومن غير ما تشعر جان أتخزن الرقم وكتبت مكان الرقم

(راعي التاكسي)

و سالم خزن الرقم بس ماكان قصده يتصل أو أي شي بس للذكرى وكتب عند الاسم (الصدفة)



ومرت الأيام والأشهر على هالموضوع وكل منهم كان بين فتره والثانيه يذكر القصة ويسرح لكن بدون ما يكون في باله شي غير الاحتفاظ بالذكرى الحلوة .



وبعد ست اشهر .


كان سالم يتمشى في مركز تجاري ويا واحد من الربع اسمه ابرهيم

ابراهيم: ابغي اشتري عطور .



سالم: هذا وقت عطور.. انته محد يسير وياك.

ابراهيم: ذليتنا عاد دقايق بنشتري وبنطلع
سالم: أنا ماعرف سوالفك؟ انته ما تشتري بسرعة.

ابراهيم: لا هاي المرة عارف شو ابغي

سالم: يالله صداقتك طالعه عليه أغلا من بيع السوق

ابراهيم: مايسوى عليه هالعطر
سالم: يالله طوف طوف


دخلو الشباب المحل وابراهيم رد حق عادته وايدور وكل اشوي سالم.. شو رأيك بهذا وهذا .

سالم: ما يخصني.. دور اللي تبغيه روحك ..انته ماينسار وياك..
سالم وهو يالس يجلب عينه في المحل والمحل كله مرايات وكان ايشوف المحل عن طريق المرايات ، يت عينه على مستلزمات التجميل والميك اب وفجأة شاف عنود!!! ، نفس الوكت عنود شافت سالم!!! وهو شافها بس عن طريق المرايات من غير محد منهم يقدر أيحدد وين مكان الثاني وكان الوقت أيمر بطريقه غريبه الثواني كانت أطول من الساعات وكل منهم مب قادر ايشيل عينه عن عيون الثاني

وبعد لحضات التفت سالم على عنود والتفتت هيه عليه وهاي المرة من غير مرايا ...



وشوي .. ابراهيم من غير مايلاحظ .. يالله نطلع أنا خلصت.. وطلع ابراهيم مع سالم, وكانت عنودطالعه في نفس اللحظة وطلعوا الثلاثة من الباب في نفس الوقت, وكانت عنودعلى اليمين وبعدين سالم وبعدين ابراهيم

وهم عند الباب ومن غير قصد ضرب كتف سالم في كتف عنود ، وعنود خذت اليمين من باب المحل سالم و ابراهيم من اليسار ،وتم سالم ساكت ! أتغير180 درجه ، وعنود نفس الشي .

سالم يكلم نفسه: معقولة هاي الصدفة ؟؟!

عنود: أتكلم نفسها هذا حلم اللي صار ولا واقع؟!

سالم: شو اللي صار شو هالقدر اللي جمعني فيها

عنود: مب معقولة أنا موب امصدقة شو هالشعور اللي صابني مره وحده!؟!

سالم: أنا شو اللي صار فيني معقولة ؟



كل واحد فيهم مانام في هاي الليلة .سالم لازم أكلمها بس كيف وبأي حق ، قصدي شريف, بس أنا شو عرفني هاي البنت, يمكن مخطوبة, ولا مرتبطة, وحتى لو لا، مب من حقي اتصل فيها ،بس شو أسوي وأنا مب عارف أفكر انشل تفكيري كامل . تذكر رقم تليفونها المخزن في تليفونه وقام وكتب مسج ،

( حسيتي بالي حسيت فيه) ، وطرش المسج .

وكانت عنود سرحانة وما عطت المسج أهميه وهي تفتح المسج انتبهت مكتوب المرسل (راعي التاكسي) ، ومن غير ماتحس ومن الارتباك مسحت المسج ، اتخبلت أنا شو سويت ؟؟!! وتمت تلوم نفسها شو أسوي؟ اتصل؟ شو أقول؟ أنا مب عارفة شو كان مكتوب في المسج..

شو اسوي؟ كيف أتصرف؟ وبعد تفكير اطويل لقت حل للمشكله.

وهي على نياتها وكانت في حالة توتر وكتبت

(معك الاتصالات الرجاء إرسال المسج مره أخره للرقم الذي أرسلت له قبل قليل )



وصل المسج عند سالم قال شو السالفة؟ بطرش مره ثانيه

(حسيتي بالي حسيت فيه)

وصل المسج عند عنودوقرته .

عنود: شو أقول؟ وشو أرد؟ يلست تفكر وبعد اشوي
كتبت (إحساس غريب ما قدرت أفهمه)



سالم تشجع واتصل

عنود: معقولة اتصل؟ شو اسوي؟ أرد؟ شو أقول؟ برد!!
سالم: الووووو

عنود: ساكته

سالم: الووووو

عنودما ترد.

سالم: الظاهر أنا غير مرغوب فيني مع السلامة

عنود: لا لا لا لاتبند

سالم: ممكن سؤال

عنود: ………. أتفضل

سالم: أنتي مرتبطة بحد او محجوزة حق حد

عنود: ……….. لا

سالم: ممكن أتقدم لج
عنود: مستغربه وزادت دقات قلبها انته شو اتقول؟
سالم: أنا قلت شي غلط؟

عنود: لا بس انته ما تعرف عني شي, وكيف ترضى تتزوج وحده كلمتك بالتليفون ؟

سالم: ليش يعني شو صار لما كلمتيني في التلفون

عنود: ليش انته مب شاب مثل باقي الشباب اللي ما عنده استعداد يتزوج وحده كلمتها بالتلفون!!

سالم: ومنو قالج أنى إذا اتزوجت وحده ما كلمتهابالتلفون ما بتكون كلمت حد غيري قبل الزواج

عنود: بس لازم تتأكد من أخلاقي قبل

سالم: وشو ألفايده الموضوع طلع من أيدي
عنود: عند منو الموضوع

سالم: قلبي

عنود: انته شو اسمك
سالم: سالم

عنود: عاشت ألا سامي وانا

سالم: لا تكملين حصة

عنود: كيف عرفت

سالم: يوم اتصلت اربيعتج يوم كان موبايلج عندي قالت حصوه

عنود: سالم

سالم: هلا

عنود: بصدقني إذا قلت لك انك أول ريال غريب أكلمه

سالم: عنوداتصدقين انج ريحتيني بكلمتج هذه

عنود: سالم

سالم: أعيوني!!

عنود: ممكن أتفكر اكثر وما تسرع؟.
سالم: ممكن رقم بيتك عشان أهلي يتصلون ويحددون زيارة لأهلي.
عنود: يعني مصمم؟
سالم: هيه ولا ما يشرفكم راعي تاكسي

عنود: محشوم انته ولد حلال بس ممكن اتكلمني عن وضعك

سالم: أنا وحيد أمي وأبوي, وأبوي متوفي وأنا عايش مع الوالدة موظف وراتبي 9 آلاف، وعدنا فلا اصغيره عايشين فيها أنا وامي ,عدنا ثلاث بيوت جدام مأجرينهم ويدخلون بحدود 4 آلاف في الشهر ومب مرتبط .





عنود: كم عمرك ؟

سالم: 25سنه.

عنود: كانت لك علاقات من قبل؟

سالم: أقص عليج إذا قلت لا بس الحين محد بحياتي من قبل لا اعرفج.. حتى رقم موبايلي مغيرنه محد يعرفه غير اشوي من ربعي

سالم: بعد تبين تعرفين شي ؟

عنود: سلامتك

سالم: ممكن الرقم

عنود: اوكيه


واتصلو آهل سالم بأهل عنودوصار النصيب

وتزوجا في نفس الصالة اللي وصلهم فيها سالم يوم كان راعي التاكسي